தனுஷ் மற்றும் செல்வராகவன் கூட்டணியின் படப்பிடிப்பு தொடங்கும் நாள் குறித்த தகவல் வெளியாகியுள்ளது.
தமிழ் சினிமாவில் முன்னணி நட்சத்திரங்களில் ஒருவராக வலம் வருபவர் நடிகர் தனுஷ். இவர் நடிப்பில் வெளியாகும் படங்களுக்கு என்று தனி ரசிகர் பட்டாளம் உள்ளது. இயக்குனர் செல்வராகவன் மற்றும் தனுஷ் இருவரின் கூட்டணியில் “நானே வருவேன்” படம் உருவாக இருப்பதாக தகவல் வெளியானது. இது தனுஷ் ரசிகர்களிடையே பெரும் ஆர்வத்தை ஏற்படுத்தி இருந்தது.
இந்த படத்திற்கு யுவன் சங்கர் ராஜா இசையமைக்கிறார். இந்த படத்தின் படப்பிடிப்பு ஆகஸ்ட் 17ஆம் தேதி தொடங்கும் என அறிவிக்கப்பட்டிருந்தது. ஆனால், இந்த படப்பிடிப்பு சில காரணங்களால் தள்ளிப்போனது. இந்நிலையில், இந்த படத்தின் படப்பிடிப்பு அக்டோபர் 16ஆம் தேதி ஆரம்பிக்க உள்ளதாக தகவல்கள் வெளியாகியுள்ளது.