தம்மைவிட வடிவேலுதான் அழகாக இருப்பதாக ராஷ்மிகா தெரிவித்துள்ளார்.
தமிழ் தெலுங்கு கன்னடம் என பல மொழிகளில் முன்னணி கதாநாயகியாக வலம் வருபவர் ராஷ்மிகா. இவர் தெலுங்கு திரையுலகில் நிதினுடன் நடித்த பீஷ்மா திரைப்படம் தற்போது வெளியாகியுள்ளது.
இத்திரைப்படத்திற்கு விளம்பரம் செய்ய ராஷ்மிகா போட்டோ ஷூட் ஒன்றை நடத்தியுள்ளார். அதில் அவரது முகத்தை வெவ்வேறு கோணங்களில் வைத்தும் வெவ்வேறு வடிவத்தில் நின்றும் போஸ் கொடுத்துள்ளார்.
இவரது போட்டோஷூட் இணையதளத்தில் வெளியான உடன் அவர் கொடுத்த அதே போஸில் நகைச்சுவை நடிகர் வடிவேலுவின் போஸும் ஒத்துப்போகும் படி இருந்ததால் ராஷ்மிகா படத்துடன் வடிவேலு படத்தை இணைத்து மீம்ஸ் தயார் செய்து வெளியிட்டுள்ளனர்.
நடிகை ராஷ்மிகாவின் புகைப்படங்கள் அனைத்தும் வடிவேலு கதாபாத்திரத்திற்கு ஏற்றார் போல் இருந்த காரணத்தினால் உருவாக்கப்பட்ட மீம்ஸ் அனைத்தும் சமூகவலைத்தளத்தில் மிகவும் விரைவாக பரவியுள்ளது.
ராஷ்மிகாவும் மீம்ஸ் அனைத்தையும் பார்த்து மிகவும் ரசித்துள்ளார். இதுதொடர்பாக அவர் தனது ட்விட்டர் பக்கத்தில் என்னால் இதை ஒப்புக்கொள்ள முடியாது எனவும் வடிவேலு மிகவும் அழகாக இருக்கிறார் எனவும் தெரிவித்துள்ளார்.