கொரோனா காலத்தில் பாதிக்கப்பட்டவர்களுக்கு, பல உதவிகளை செய்த இந்தி நடிகர் சோனு சூட்டுக்கு, விளம்பர வாய்ப்புகள் குவிந்து வருகிறது .
பிரபல பாலிவுட் நடிகரான சோனு சூட், கொரோனாவில் பாதிக்கப்பட்ட ஆயிரக்கணக்கான பேருக்கு தன் சொந்த பணத்தில் உதவி செய்து இருந்தார். அதிகம் சம்பாதிக்கும் கதாநாயக நடிகர்கள் கூட அமைதியாக இருந்த சூழலில், வில்லன் நடிகராக அறியப்பட்ட சோனு சூட், உதவி தேவைப்படும் அனைவரையும் தேடிச்சென்று உதவிய செய்திகள், சமூக வலைதளங்களில் மக்கள் பாராட்டை பெற்றன.
மக்கள் மத்தியில் நற்பெயருடன் கிடைத்தது. இதனால் சோனுவை பயன்படுத்தி விளம்பரம் செய்யவே, முன்னணி வணிக நிறுவனங்களும் விரும்புகின்றன.
அதன் விளைவாக, ரெட்மி, ஏசர், வூஷ், ஜீப், ஸ்பைஸ் மணி, ஓயோ, எம்.பி.எல்., லென்ஸ்கார்ட், ஸ்யாம் ஸ்டீல், ஐ.எஸ்.எம்,. எஜூடெக், எம்பைன் உள்ளிட்ட நிறுவனங்களின் விளம்பர வாய்ப்புகள் அவருக்கு கிடைத்துள்ளது. அவருக்கு, கடந்தாண்டு ஐ.நா.,வுக்கான சிறப்பு மனிதாபிமான விருது வழங்கப்பட்டது குறிப்பிடத்தக்கது.