”மாநாடு” திரைப்படம் ஹிந்தியில் ரீமேக் ஆக இருப்பதாக தகவல் வெளியாகியுள்ளது.
தமிழ் சினிமாவில் நடிகர் சிம்பு முன்னணி நடிகராக வலம் வருபவர். வெங்கட்பிரபு இயக்கத்தில் இவர் நடிப்பில் உருவாகி இருக்கும் திரைப்படம் ”மாநாடு”. இந்த படத்தில் கல்யாணி பிரியதர்ஷன், எஸ்.ஜே.சூர்யா, எஸ்.ஏ.சந்திரசேகர் மற்றும் பலர் நடித்திருக்கின்றனர். சுரேஷ் காமாட்சி தயாரித்த இந்த படத்திற்கு யுவன் சங்கர் ராஜா இசையமைத்துள்ளார்.
இந்நிலையில், நவம்பர் 25 ம் தேதி வெளியான இந்த படம் ரசிகர்களிடையே நல்ல வரவேற்பை பெற்று வருகிறது. இதனையடுத்து, இந்த திரைப்படம் ஹிந்தியில் ரீமேக் ஆக இருப்பதாக தகவல் வெளியாகியுள்ளது.
மேலும், இந்த படத்தை பாலிவுட் நடிகர்களுக்கு திரையிடப்பட்டு காட்டப்பட்டதாகவும் கூறப்படுகிறது. விரைவில், இந்த படத்தின் ஹிந்தி ரீமேக்கில் நடிக்கும் நடிகர்கள் குறித்த தகவல் வெளியாகும் என எதிர்பார்க்கப்படுகிறது.