7 வயது சிறுமி தனது தலைமுடியால் 700 கிலோ எடையுடைய காரை இழுத்து சாதனை படைத்துள்ளார்.
திருவாரூர் மாவட்டத்திலுள்ள நன்னிலம் அருகே நெடுங்குளம் என்னும் பகுதியில் குங்ஃபூ போட்டி நடைபெற்றது. இப்போட்டியில் பலர் கலந்துக்கொண்டனர். இப்போட்டியில் கலந்து கொண்ட 2 ஆம் வகுப்பு படிக்கும் 7 வயது சிறுமி அக்சயா தன் தலைமுடியால், 700 கிலோ எடையுள்ள காரை 100 மீட்டர் தூரம் வரை இழுத்து சாதனை படைத்தார்.
இதனையடுத்து மாணவி அக்சயாவுக்கு பலர் வாழ்த்துகள் தெரிவித்தனர். இப்போட்டியில் வெற்றி பெற்றவர்களுக்கு புரூஸ்லீ நினைவு கோப்பை வழங்கப்பட்டது.