நாமக்கல்லில் போட்டியிடும் கொங்கு நாடு மக்கள் தேசிய கட்சியின் வேட்பாளரை கட்சியின் பொதுச்செயலாளர் ஈஸ்வரன் அறிவித்துள்ளார்.
நாடாளுமன்ற தேர்தலில் திமுக தலைமையிலான மதசார்பற்ற முற்போக்கு கூட்டணியில் திமுக , காங்கிரஸ் , இடதுசாரிகள் , விடுதலை சிறுத்தைகள் , மதிமுக , இந்திய யூனியன் முஸ்லீம் லீக் , கொங்கு நாடு மக்கள் தேசிய கட்சி மற்றும் ஐ.ஜே.கே உள்ளிட்ட கட்சிகள் இடம்பெற்றுள்ளன. இதில் கொங்கு நாடு மக்கள் தேசிய கட்சிக்கு நாமக்கல் தொகுதி ஒதுக்கீடு செய்யப்பட்டது.
இந்நிலையில் ஈரோட்டில் கொங்கு நாடு மக்கள் தேசிய கட்சியின் ஆட்சிமன்றக் குழுக் கூட்டம் நடைபெற்றது. அக்கட்சியின் பொதுச்செயலாளர் ஈஸ்வரன் தலைமையில் நடைபெற்ற இந்த கூட்டத்தில் வேட்பாளர் தேர்வு இறுதி செய்யப்பட்ட்து.அதில் நாமக்கல் தொகுதியில் கொங்கு நாடு மக்கள் தேசிய கட்சி சார்பில் சின்ராஜ் போட்டியிடுவார் என்று அறிவிக்கப்பட்டது.