ஆபரணத் தங்கம் 1 கிராம் 4,100 ரூபாய்க்கு விற்பனை செய்யப்படுவதால் பொதுமக்கள் கவலை அடைந்துள்ளனர்.
ஒட்டுமொத்த உலக பொருளாதார மந்த நிலை காரணமாக முதலீட்டாளர்கள் ஆபரண தங்கம் மீது முதலீடு செய்ய ஆர்வம் காட்டி வருகின்றனர். இதன் காரணமாக தான் கடந்த சில மாதங்களாகவே தங்கத்தின் விலை தொடர்ந்து உயர்ந்துகொண்டே செல்கின்றது.
இந்தநிலையில் சென்னையில் இன்று காலை நிலவரப்படி 22 கேரட் ஆபரண தங்கம் 1 கிராம் 28 ரூபாய் அதிகரித்து 4, 100ரூபாய்க்கு விற்பனை செய்யப்படுகிறது. ஒரு சவரன் 224 ரூபாய் அதிகரித்து 32,800 ரூபாய்க்கு விற்பனை செய்யப்படுகிறது. அதேபோல் வெள்ளி கிராம் ஒன்றுக்கு 50 காசுகள் உயர்ந்து 52.90 ரூபாய்க்கு விற்பனை செய்யப்படுகிறது.