திமுக பொதுச்செயலாளர் பேராசிரியர் க. அன்பழகன் மரணமடைந்துள்ளது சோகத்தை ஏற்படுத்தியுள்ளது.
திமுகவின் பொதுச் செயலாளரராக இருந்தவர் க.அன்பழகன். 1977 முதல் திமுகவின் நிரந்தர பொதுச் செயலாளராக இருந்து வருகிறார். தமிழகத்தின் அனுபவம் வாய்ந்த அரசியல் தலைவரான இவருக்கு பிப்ரவரி 24ஆம் தேதி வயது மூப்பின் காரணமாக திடீரென அவருக்கு உடல்நலக் குறைவு ஏற்பட்டது. இதன் காரணமாக சென்னை கிரீம்ஸ் சாலையில் உள்ள அப்பல்லோ மருத்துவமனையில் சிகிச்சைக்காக அனுமதிக்கப்பட்டார்.
அவருக்கு செயற்கை சுவாச பொருத்தப்பட்டு தொடர்ந்து 12 நாட்களாக அவருக்கு தீவிர சிகிச்சை பிரிவில் வைத்து மருத்துவ பரிசோதனை நடைபெற்றது.அவரின் உடல் முன்னேற்றம் அடைந்து மீண்டும் வீடு திரும்புவார் என்று எதிர்பார்க்கப்பட்ட நிலையில் க.அன்பழகன் மரணமடைந்ததாக அறிவிக்கப்பட்டுள்ளது. 98 வயதான திமுக பொதுச்செயலாளர் அன்பழகன் மறைவை கேட்ட திமுக தொண்டர்கள் அதிர்ச்சி அடைந்துள்ளனர்.