நடிகர் விவேக் மாரடைப்பு காரணமாக நேற்று சென்னையில் உள்ள தனியார் மருத்துவமனை ஒன்றில் சிகிச்சைக்காக அனுமதிக்கப்பட்டார். அங்கு தீவிர சிகிச்சை பிரிவில் அனுமதிக்கப்பட்டு அவருக்கு மருத்துவர்கள் சிகிச்சை அளித்தனர். வடபழனியில் உள்ள தனியார் மருத்துவமனையில் தீவிர சிகிச்சை பிரிவில் சிகிச்சை பெற்றுவந்த அவருக்கு எக்மோ கருவி மூலம் மருத்துவர்கள் சிகிச்சை அளித்து வந்தனர். சிகிச்சை பலனின்றி நடிகர் விவேக் காலமானார்.
அவரின் உடல் இல்லத்தில் வைக்கப்பட்டுள்ளது. இவர் சுற்றுச்சூழல் ஆர்வலர் ஆக விளங்கியவர். இவர் இறுதியாக 2020 ஆம் ஆண்டு தாராள பிரபு என்ற படத்தில் நடித்துள்ளார். மேலும் சிறந்த நடிகருக்கான பத்ம ஸ்ரீ உள்ளிட்ட பல்வேறு விருதுகளையும் பெற்றுள்ளார். இவரது மறைவுக்கு பலரும் இரங்கல் தெரிவித்து வருகிறார்கள். இதனையடுத்து அவரின் உடல் இன்று மாலை விருகம்பாக்கம் மின் தகன மேடையில் தகனம் செய்யப்படுகிறது.
இந்நிலையில் மறைந்த நடிகர் விவேக்கிற்கு காவல்துறை மரியாதை அழிப்பதற்கு தேர்தல் ஆணையத்திடம் தமிழக அரசு சார்பில் அனுமதி கேட்கப்பட்டுள்ளது. தேர்தல் ஆணைய நடத்தை விதிமுறைகள் அமலில் இருப்பதால் தமிழக அரசு அனுமதி கேட்டுள்ளது. தேர்தல் ஆணையம் அனுமதி அளித்த பிறகு விவேக் உடல் காவல்துறை மரியாதையுடன் தகனம் செய்வது குறித்த தகவல் வெளியாக வாய்ப்புள்ளது.