நடிகர் சிம்புவின் மாநாடு திரைப்படம் திட்டமிட்டபடி நாளை வெளியாகும் என இயக்குனர் வெங்கட்பிரபு தனது ட்விட்டரில் தெரிவித்துள்ளார்.
நடிகர் சிலம்பரசன் நடிப்பில் உருவாகியுள்ள திரைப்படம் மாநாடு. இந்த படத்தை இயக்குனர் வெங்கட் பிரபு இயக்க, சுரேஷ் காமாட்சி தயாரித்துள்ளார். இப்படத்தில் பல நட்சத்திரங்கள் நடித்துள்ளனர். நாளை மாநாடு திரைப்படம் திரையரங்குகளில் வெளியாக திட்டமிடப்பட்டிருந்தது. இந்நிலையில் அப்படத்தின் தயாரிப்பாளர் சுரேஷ் காமாட்சி படம் நாளை வெளியாகாது என டுவிட்டரில் அறிவித்திருந்தார்.
இது சிம்பு ரசிகர்களிடையே மிகப்பெரிய ஏமாற்றத்தை அளித்தது. இதனைத் தொடர்ந்து தற்போது அப்படத்தின் இயக்குனர் வெங்கட்பிரபு சொன்ன தேதியில் மாநாடு ரிலீஸாகும் என்று தனது ட்விட்டர் பக்கத்தில் தெரிவித்துள்ளார். இதனால் படம் நாளை வெளியாகும் என்பது உறுதி செய்யப்பட்டுள்ளது.