நடிகர் அஜித் என்னை தல என்றோ அல்லது வேறு ஏதாவது பட்டப் பெயர்களை குறிப்பிட்டு அழைக்க வேண்டாம் என்று அறிக்கை விடுத்துள்ளார். இதுதொடர்பாக அவர் தெரிவித்துள்ளதாவது: “பெரும் மரியாதைக்குரிய ஊடக பொது ஜன மற்றும் என் உண்மையான ரசிகர்களுக்கு இனிவரும் காலங்களில் என்னை பற்றி எழுதும்போது ,என்னை பற்றி குறிப்பிடும் போது, பேசும்போது என் இயற்பெயரான அஜித்குமார் மற்றும் அஜித் என்றோ அல்லது ஏகே என்று குறிப்பிட்டால் போதுமானது.
தல என்றோ அல்லது வேறு ஏதாவது பட்டப் பெயர்களை குறிப்பிட்டு அழைக்க வேண்டாம் என்று அன்போடு வேண்டுகோள் விடுக்கின்றேன். உங்கள் அனைவரின் ஆரோக்கியமும், மன அமைதி, மனநிறைவு, வெற்றி உள்ளிட்ட சகலமும் கிடைக்க வாழ்த்துகிறேன்” என்று அவர் தெரிவித்திருந்தார்.