தமிழ் சினிமாவில் சின்னத்திரையில் இருந்து வெள்ளி திரைக்கு அறிமுகமாகி முன்னணி நடிகராக வலம் வருபவர் நடிகர் சிவகார்த்திகேயன். இவர் நடிப்பில் வெளியான டாக்டர் மற்றும் டான் திரைப்படங்கள் பாக்ஸ் ஆபிஸில் 100 கோடி ரூபாய் வரை வசூல் சாதனை புரிந்தது. அதன் பிறகு அனுதீப் இயக்கத்தில் நடிகர் சிவா நடித்த பிரின்ஸ் திரைப்படம் தீபாவளி பண்டிகையை முன்னிட்டு திரையரங்குகளில் ரிலீஸ் ஆகி வெற்றிகரமாக ஓடிக் கொண்டிருக்கிறது. இந்தப் படத்தை தொடர்ந்து நடிகர் சிவகார்த்திகேயன் மாவீரன் என்ற திரைப்படத்தில் நடித்து வருகிறார். இந்தப் படத்தை மண்டேலா படத்தை இயக்கிய மடோன் அஸ்வின் இயக்க அதிதி சங்கர் ஹீரோயினாக நடிக்கிறார்.
இந்தப் படத்தின் சூட்டிங் சென்னையில் விறுவிறுப்பாக நடைபெற்று வந்த நிலையில் இயக்குனருக்கும் சிவாவுக்கும் இடையே ஏற்பட்ட கருத்து மோதல் காரணமாக படப்பிடிப்பு பாதியிலேயே நிறுத்தப்பட்டதாக சமீபத்தில் இணையத்தில் தகவல் வெளியானது. இந்த வதந்திகளுக்கு டக்குழு முற்றுப்புள்ளி வைத்தது. அதாவது மாவீரன் படத்தின் சூட்டிங் 40 சதவீதம் நிறைவடைந்துள்ளதாகவும் மழையின் காரணமாகத்தான் படப்பிடிப்பு நிறுத்தி வைக்கப் பட்டுள்ள தாகவும் படக்குழு தரப்பிலிருந்து தகவல் வெளியானது. அதன் பிறகு படத்தின் சூட்டிங் விரைவில் தொடங்கப்படும் எனவும் அறிவிக்கப்பட்டிருந்தது.
இந்நிலையில் நடிகர் சிவகார்த்திகேயனின் மாவீரன் திரைப்படத்தின் ரிலீஸ் தேதி தற்போது போஸ்டருடன் வெளியாகியுள்ளது. அதன்படி வருகிற 2023-ம் ஆண்டு மார்ச் மாதத்தில் படம் ரிலீஸ் ஆகிறது. ஆனால் படக்குழு தரப்பிலிருந்து எந்த ஒரு அதிகாரப்பூர்வ அறிவிப்பும் வெளியாகவில்லை. மேலும் நடிகர் சிவகார்த்திகேயன் ரசிகர்கள் மாவீரன் என்ற ஹேஸ்டைக்கை இணையதளத்தில் டிரெண்டாக்கி ஆதரவு கொடுத்து வருகிறார்கள்.
