ரசிகர்கள் மத்தியில் நல்ல வரவேற்பை பெற்ற நிகழ்ச்சி பிக்பாஸ் ஆகும். இந்நிகழ்ச்சிக்கு என்று தனி ரசிகர்கள் பட்டாளமே இருக்கின்றனர். இந்தியா முழுதும் பிரபலம் அடைந்த இந்நிகழ்ச்சி பல்வேறு மொழிகளில் நடத்தப்பட்டு வருகிறது. அந்த அடிப்படையில் தெலுங்கு பிக்பாஸ் நிகழ்ச்சியை நடிகர் நாகார்ஜுனா அக்கினேனி தொகுத்து வழங்கினார். இதன் கிராண்ட் பினாலேவில் பிந்து மாதவி, அகில் சர்தக், அரியானா குளோரி, அனில் ரத்தோட், பாபா பாஸ்கர், மித்ரா சர்மா மற்றும் ஷிவா ஆகியோர் இறுதிப் போட்டியில் இருந்து வந்தனர். இதையடுத்து இதன் இறுதி நிகழ்ச்சி வெகு சிறப்பாக நடைபெற்றது.
இந்த நிகழ்ச்சியில் சுனில், மெஹ்ரீன் பிர்சாடா, அதிவி சேஷ், சாய் மஞ்ச்ரேக்கர் மற்றும் பிக்பாஸ் முன்னாள் போட்டியாளர்கள் பங்கேற்றனர். அதன்பின் இதன் இறுதிப்போட்டியில் நடிகை பிந்துமாதவி முதலிடத்தை பிடித்து ரூபாய் 50 லட்சம் ரூபாய் காசோலையை தட்டிச் சென்றார். அத்துடன் அகில் சார்தக் ரன்னரப்பாகவும், தொகுப்பாளர் ஷிவாவும் 3-வது இடத்தை பிடித்தனர். வெப்பம் படத்தின் வாயிலாக அறிமுகமாகிய பிந்து மாதவி, பின் கழுகு, கேடி பில்லா கில்லாடி ரங்கா, பசங்க 2 என்று பல்வேறு படங்களில் நடித்து ரசிகர்களை கவர்ந்தார். இவர் தமிழில் கமல்ஹாசன் நடத்திய பிக்பாஸ் நிகழ்ச்சியில் பங்கேற்றது குறிப்பிடத்தக்கது.
