கொரோனா தொற்று அச்சுறுத்தல் காரணமாக இந்த சீசன் பிக் பேஷ் டி20 லீக் போட்டியில் மீதமுள்ள போட்டிகள் மெல்போர்னில் நடத்த திட்டமிடப்பட்டு இருப்பதாக தகவல் வெளியாகியுள்ளது.
11-வது சீசன் பிக் பேஷ் டி20 லீக் போட்டி ஆஸ்திரேலியாவில் நடைபெற்று வருகிறது . இதில் நேற்று மெல்போர்ன் ஸ்டார்ஸ் மற்றும் அடிலெய்ட் ஸ்டிரைக்கர்ஸ் அணி வீரர்களுக்கு கொரோனா தொற்று பாதிப்பு உறுதி செய்யப்பட்டது . பலத்த பயோ பபுள் பாதுகாப்பில் இருந்த வீரர்களுக்கு கொரோனா தொற்று பாதிப்பு ஏற்பட்டிருப்பது சக வீரர்களுக்கு மத்தியில் அதிர்ச்சியை ஏற்படுத்தியுள்ளது.
இந்த நிலையில் தொடர் கொரோனா தொற்று பரவல் அச்சுறுத்தல் காரணமாக இந்த சீசன் பிக் பேஷ் தொடரில் மீதமுள்ள போட்டிகள் மெல்போர்னில் நடந்த திட்டமிடப்பட்டு இருப்பதாக தகவல் வெளியாகியுள்ளது. இதில் எம்சிஜி, மார்வல் ,செயிண்ட் கில்டா மைதானம் மற்றும் ஜிஎம்எச்பிஏ ஆகிய மைதானங்களில் மீதமுள்ள போட்டிகள் நடத்த முடிவு செய்யப்பட்டிருப்பதாக தகவல் வெளியாகியுள்ளது.