பிரபல ஹாலிவுட் இயக்குனர் ஜேம்ஸ் கேமரூன் இயக்கத்தில் கடந்த 12 வருடங்களுக்கு முன்பு ரிலீஸ் ஆன அவதார் படம் உலகம் முழுவதும் சூப்பர் ஹிட் ஆனது. இந்தப் படத்தின் இரண்டாம் பாகம் அவதார் 2 என்ற பெயரில் தயாரான நிலையில் வருகிற டிசம்பர் 16-ம் தேதி உலகம் முழுவதும் ரிலீஸ் ஆகிறது.
இந்த திரைப்படத்தின் இந்திய கட்டணமானது அதிக அளவில் இருப்பதாக ஒரு புறம் சர்ச்சை எழுந்துள்ள நிலையில், தற்போது கேரள ரிலீசில் சிக்கல் ஏற்பட்டுள்ளது. அதாவது கேரள பட விநியோகஸ்தர்கள் வழக்கமாக தரும் தொகையை விட முதல் வார ரிலீஸில் 5 சதவீதம் அதிகமாக தர வேண்டும் என தியேட்டர் உரிமையாளர்களிடம் கேட்டுள்ளனர். ஆனால் தியேட்டர் உரிமையாளர்கள் வழக்கமாக தரப்படும் 55 சதவீதம் மட்டுமே தரப்படும் என்று கூறியுள்ளனர்.
ஆனால் விநியோகஸ்தர்கள் கண்டிப்பாக கூடுதல் தொகை தர வேண்டும் என்று கேட்பதால், திரையரங்கு உரிமையாளர்கள் சங்கத்தினர் அவதார் 2 திரைப்படத்தை ரிலீஸ் செய்வதில்லை என்று முடிவு செய்துள்ளனர். இந்நிலையில் அவதார் 2 திரைப்படத்திற்காக ஆவலோடு காத்திருக்கும் ரசிகர்களுக்கு படம் ரிலீசாகவில்லை என்ற தகவல் மிகப்பெரிய அதிர்ச்சியை ஏற்படுத்தியுள்ளது. மேலும் படம் ரிலீஸ் ஆவதற்கு இன்னும் நாள் இருப்பதால் அதற்குள் பிரச்சனையானது பேசி சுமுகமாக தீர்த்து வைக்கப்படும் என்று எதிர்பார்க்கப்படுகிறது.