ஆசிய பேட்மிண்டன் சாம்பியன்ஷிப் போட்டி மலேசியாவில் நடைபெற்று வருகிறது. இதில் ஆடவர் பிரிவில் நேற்று நடைபெற்ற லீக் ஆட்டத்தில் இந்திய அணி, ஹாங்காங்கை எதிர்கொண்டது. விறுவிறுப்பான நடைபெற்ற ஆட்டத்தில் 3-2 என்ற கணக்கில் இந்திய அணி ஹாங்காங்கை வீழ்த்தியது.இதன் மூலம் இந்திய அணி முதல் வெற்றியை ருசித்தது.
இதில் ஒற்றையர் பிரிவு போட்டியில் இந்திய வீரர்கள் லக்ஷயா சென், மிதுன் மஞ்சுநாத் ஆகியோரும், இரட்டையர் பிரிவு போட்டியில் இந்தியாவின் ஹரிகரன் அம்சகருணன்-ரூபன் ரத்தினசபாபதி குமார் ஜோடியும் வெற்றி கண்டனர்.இதனிடையே இன்று நடைபெறும் தனது கடைசி லீக் ஆட்டத்தில் இந்திய அணி நடப்பு சாம்பியன் இந்தோனேஷியாவுடன் மோதுகிறது.