அருண் விஜய் நடிக்கும் ”யானை” படத்தின் புதிய ரிலீஸ் தேதியை அறிவித்த படக்குழுவினர்.
தமிழ் சினிமாவின் பிரபல முன்னணி நடிகராக வலம் வருபவர் அருண் விஜய். இவர் நடிப்பில் உருவாக்கிய ‘ஓ மை டாக்’ திரைப்படம் ஏப்ரல் 24ம் தேதி நேரடியாக OTT யில் வெளியாகவுள்ளது. இதனையடுத்து, இவர் நடிப்பில் அடுத்தடுத்து அக்னிச்சிறகுகள், சீனம், பாக்ஸர் போன்ற திரைப்படங்கள் ரிலீசாக உள்ளன.
இந்த நிலையில் இயக்குனர் ஹரி இயக்கத்தில் இவர் நடிப்பில் உருவாகியுள்ள திரைப்படம் ”யானை”. இந்த படத்தில் ராதிகா சரத்குமார், பிரியா பவானி சங்கர், சமுத்திரக்கனி மற்றும் பலர் முக்கிய கதாபாத்திரத்தில் நடித்துள்ளனர். ஜீ.வி பிரகாஷ் இசையமைத்துள்ள இந்த திரைப்படம் வருகிற மே மாதம் 6ம் தேதி ரிலீசாகும் என அறிவிக்கப்பட்டிருந்தது. இந்நிலையில், இந்த படத்தின் ரிலீஸ் தேதி மாற்றப்பட்டுள்ளது. அதன்படி, வருகிற ஜூன் 17ஆம் தேதி ‘யானை’ ரிலீஸாகும் என அதிகாரபூர்வமாக அறிவிக்கப்பட்டுள்ளது.