தமிழ் சினிமாவில் பருத்திவீரன் படத்தின் மூலம் கதாநாயகனாக அறிமுகமாகி சிறந்த நடிப்பை வெளிப்படுத்தினார். அதன் பிறகு இவர் தமிழ் பட உலகில் முன்னணி நடிகராக உயர்ந்துள்ளார். இவர் தனக்கென்று தனி ரசிகர் பட்டாளத்தையே உருவாக்கி உள்ளார். இவரது நடிப்பில் இந்த வருடம் அடுத்தடுத்து வெளி வந்த விருமன், பொன்னியின் செல்வன், சர்தார் படங்கள் நல்ல வரவேற்பை பெற்று வசூல் சாதனை செய்துள்ளது. பொன்னின் செல்வன் 2 பாகம் அடுத்த வருடம் ஏப்ரல் மாத வெளியாகும் என்று எதிர்பார்க்கப்படுகிறது. சர்தார் படத்தின் இரண்டாம் பாகத்திலும் நடிப்பதாக அறிவித்துள்ளார்.
இந்நிலையில் இதுவரை 24 படங்களில் நடித்து முடித்துள்ள கார்த்திக் எஸ்.ஆர்.பிரகாஷ் பாபு, எஸ்.ஆர்.பிரபு தயாரிப்பில் 25-வது படத்தில் நடிக்க உள்ளார். இந்த படத்தை ராஜு முருகன் டைரக்டு செய்கிறார். இவரது இயக்கத்தில் 2016 ஆம் ஆண்டு வெளியான ஜோக்கர் சிறந்த படத்துக்கான விருதை பெற்றது. மேலும் கார்த்திக்கு ஜோடியாக அனு இமானுவேல் நடிக்கிறார். மேலும் டைரக்டர் விஜய் மில்டன், தெலுங்கு நடிகர் சுனில் ஆகியோர் முக்கிய கதாபாத்திரத்தில் நடிக்க உள்ளனர். இந்த படத்திற்கு ஜிவி பிரகாஷ் இசையமைக்க உள்ளார். இந்த தகவலால் ரசிகர்கள் மிகுந்த மகிழ்ச்சியில் உள்ளனர்.