தமிழ் சினிமாவில் முன்னணி நடிகராக வலம் வருபவர் விஜய். இவர் தனதுகென்று ஓர் ரசிகர் பட்டாளத்தையை உருவாக்கி உள்ளார். இவர் தற்போது வாரிசு படத்தில் நடித்து வருகிறார். இந்த திரைப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இப்படத்தில் விஜய்க்கு ஜோடியாக நடிகர் ராஷ்மிகா மந்தனா நடித்து வருகிறார். மேலும் பிரகாஷ்ராஜ், சரத்குமார், குஷ்பூ, ஷாம், யோகி பாபு ஆகியோர் முக்கிய கதாபாத்திரத்தில் நடித்து வருகின்றனர். இந்த திரைப்படம் பொங்கலை முன்னிட்டு ஜனவரி மாதம் வெளியாகும் என்று அதிகாரப்பூர்வமான அறிவிப்பு வெளியாகி உள்ளது.
வாரிசு படத்தை தொடர்ந்து நடிகர் விஜய் லோகேஷ் இயக்கத்தில் தளபதி 67 படத்தில் நடிக்க உள்ளதாக தகவல் வெளியானது. இதனை லோகேஷ் கனகராஜ் உறுதி செய்தார். ஆனால் இதைப் பற்றி அதிகாரப்பூர்வமான அறிவிப்பு இதுவரை வெளியாகவில்லை. இப்படத்தின் அறிவிப்பிற்காக ரசிகர்கள் ஆர்வமாக எதிர்பார்த்து இருக்கின்றனர். இந்நிலையில் தற்போது வந்த தகவலின் படி, இப்படத்தின் அதிகாரப்பூர்வமான அறிவிப்பு டிசம்பர் மாதம் வெளியாகும் என்று கூறப்படுகிறது. தளபதி 67 படத்தின் அறிவிப்பு வாரிசு படப்பிடிப்பு முடிந்தவுடன் தான் வெளியாகும் என்று சொல்லப்பட்டது. இதனையடுத்து வாரிசு படப்பிடிப்பு அடுத்த மாதம் முடிவடைய நிலையில் தளபதி 67 திரைப்படத்தின் அதிகாரப்பூர்வ அறிவிப்பு டிசம்பர் மாதம் வெளியாகும் என்று கூறப்படுகிறது.