பாகுபலி படத்திற்கு பிறகு அடுத்தடுத்த சரித்திர படங்கள் அதிகம் தயார் செய்யப்பட்டு வருகிறது. சமீபத்தில் திரைக்கு வந்து தமிழ், தெலுங்கு, ஹிந்தி ஆகிய மொழிகளில் வெளியான பொன்னியின் செல்வன் படத்தின் வெற்றி சரித்திர படங்கள் எடுப்பதற்கான ஆர்வத்தை மேலும் தூண்டி உள்ளது. இந்நிலையில் மராட்டிய மன்னன் சத்திரபதி சிவாஜி வாழ்க்கையை சினிமா படமாக தயாராக உள்ளது. மேலும் மகேஷ் மஞ்ச்ரேக்கர் டைரக்டு செய்யும் இந்த படம் மராத்தி மொழியில் தயாராகிறது. இந்த படத்தில் வீர சிவாஜி கதாபாத்திரத்தில் நடிக்க இந்தி நடிகர் அக்ஷய குமாரை தேர்வு செய்துள்ளனர்.
இது குறித்து நடிகர் அக்ஷய்குமார் கூறியது, நான் சத்திரபதி சிவாஜி கதாபாத்திரத்தில் நடிப்பது மகிழ்ச்சி அளிக்கிறது. ராஜ் தாக்கரேயால் தன எனக்கு இந்த கதாபாத்திரத்தில் நடிக்க வாய்ப்பு கிடைத்துள்ளது. பழம்பெறும் ஆளுமையான மராட்டிய மன்னன் கதாபாத்திரத்தில் நடிப்பது மிகப்பெரிய பொறுப்பு. அதற்கு என்னால் முடிந்த உழைப்பை கொடுப்பேன் என்று தெரிவித்துள்ளார். மேலும் இந்த படத்தை இதர மொழிகளை டப்பிங் செய்து வெளியிட திட்டமிட்டு உள்ளனர்.