தற்போது உள்ள காலகட்டத்தில் உள்ள காதலை பேசும் வித்தியாசமான கதைகளில் கொண்டு உருவாகியுள்ள திரைப்படம் ‘காலங்களில் அவள் வசந்தம்’. இந்த படத்தை அறிமுக இயக்குனர் ராகவ் மிர்தாத் இயக்கி உள்ளார். பிரபல மாடலான கௌஷிக் ராம் இந்த படத்தின் மூலம் கதாநாயகனாக அறிமுகமாகிறார். நெடில்நல்வாடை படத்தில் நடித்த அஞ்சலி நாயர் இந்த படத்தில் கதாநாயகியாக நடித்துள்ளார். இதனைத் தவிர விஜே விக்னேஷ் காந்த், சுவாமிநாதன், அனிதா சம்பத் ஆகியோர்கள் முக்கிய கதாபாத்திரத்தில் நடித்துள்ளனர்.
இந்த படத்தை பிரபல தயாரிப்பாளர் சி.வி.குமார் தயாரித்துள்ளார். ஒரு இளம் காதல் ஜோடியின் திருமணத்திற்கு பிறருக்கான வாழ்க்கை ஆராயும் ஒரு காதல் நாடகம் இந்த படம். தற்போது இறுதி கட்டப்பணியில் இருக்கும் இந்த படம் வருகின்ற அக்டோபர் 28ஆம் தேதி வெளியாக உள்ளது. இந்நிலையில் இப்படத்தின் டிரைலர் வெளியிடப்பட்டுள்ளது. இந்த ட்ரைலர் ரசிகர்களிடையே நல்ல வரவேற்பை பெற்று வருகிறது.