நடிகரும், சேப்பாக்கம்-திருவல்லிகேணி தொகுதியின் சட்டமன்ற உறுப்பினருமான உதயநிதி ஸ்டாலின் நேற்று தமிழக அமைச்சரவையில் 35வ-து அமைச்சராக பொறுப்பேற்று உள்ளார். நேற்று காலை கிண்டி ஆளுநர் மாளிகையிலுள்ள தர்பார் ஹாலில் ஆளுநர் ஆர்.என்.ரவி முன்னிலையில் அவர் பதவி ஏற்றுக்கொண்டார். இதையடுத்து உதயநிதிக்கு திரைப் பிரபலங்களும் அரசியல் பிரமுகர்களும் உட்பட பலரும் வாழ்த்து கூறினர். மாரி செல்வராஜ் இயக்கத்தில் உருவாகி இருக்கும் மாமன்னன் திரைப்படத்தில் உதயநிதி நடித்து முடித்துள்ளார்.
அதன்பின் உதயநிதி, “இனி திரைப்படங்களில் நடிக்கப் போவதில்லை. மேலும் கமல்ஹாசன் தயாரிப்பில் நடிக்க இருந்த படத்தில் இருந்து விலகுகிறேன். இதற்கிடையில் மாமன்னன் படம் தான் எனது கடைசி திரைப்படம்” என்று தெரிவித்திருந்தார். இந்நிலையில் அமைச்சரான உதயநிதிக்கு நடிகர் சந்தானம் வாழ்த்து தெரிவித்து டுவிட் பதிவு ஒன்றை வெளியிட்டுள்ளார்.
அவற்றில் “நம்ம இன்னும் நிறைய கோப்பைகளும், பந்தயங்களும், போட்டிகளும் உலக மேடையில ஜெயிக்கணும். இந்த கனவு இனி தமிழ்நாட்டில் நனவாகுவதற்கு வாழ்த்துகள் முதலாளி உதயநிதி ஸ்டாலின்” என்று டுவிட்டரில் குறிப்பிட்டுள்ளார். முன்னதாக ஒரு கல் ஒரு கண்ணாடி திரைப்படத்தின் வாயிலாக நடிகராக அறிமுகமான உதயநிதியுடன், சந்தானம் காமெடி கதாபாத்திரத்தில் நடித்திருந்தது குறிப்பிடத்தக்கது.
நம்ம இன்னும் நிறைய கோப்பைகளும் பந்தையங்களும் போட்டிகளும் உலக மேடையில ஜெயிக்கனும்!
இந்த கனவு இனி தமிழ்நாட்டுல நனவாக வாழ்த்துகள் முதலாளி @Udhaystalin 😊— Santhanam (@iamsanthanam) December 14, 2022