பிரபல தயாரிப்பாளர் போனி கபூர் மற்றும் மறைந்த நடிகை ஸ்ரீதேவியின் மகள் ஜான்வி கபூர். இவர் தடக் என்ற திரைப்படத்தின் மூலம் பாலிவுட்டில் ஹீரோயினாக களமிறங்கினார். இவர் நடிப்பில் சமீபத்தில் வெளியான மிலி திரைப்படம் ரசிகர்கள் மத்தியில் நல்ல வரவேற்பை பெற்று வெற்றிகரமாக ஓடிக் கொண்டிருக்கிறது. அதன் பிறகு நடிகை ஜான்வி கபூர் விரைவில் தெலுங்கு சினிமாவிலும் ஹீரோயினாக அறிமுகமாக இருப்பதாக புதிய தகவல் வெளியாகியுள்ளது.
இந்நிலையில் ஜான்வி மும்பை பாந்த்ரா பகுதியில் ஆடம்பரமான பங்களா வீடை வாங்கியுள்ளதாக தகவல் வெளியாகியுள்ளது. இவர் ஒரு அடுக்குமாடி குடியிருப்பில் உள்ள முதல் மற்றும் 2-வது தளங்களை விலைக்கு வாங்கியுள்ளாராம். இந்த அடுக்குமாடி குடியிருப்பில் நீச்சல் குளங்கள் மற்றும் 10 கார்களை நிறுத்தும் அளவிற்கு பார்க்கிங் வசதியும் இருக்கிறதாம். மேலும் ஆடம்பரமான பங்களாவின் விலை சுமார் 65 கோடி ரூபாய் என்று கூறப்படுகிறது.