தமிழ் சினிமாவும், மற்ற தென்னிந்திய மொழி சினிமாவும் கதாநாயகிகளுக்கு முக்கியத்துவம் கொடுக்கும் வகையில் பல படங்களை வெளியிட்டு வருகிறது. பெண்களை மையப்படுத்திய அந்த படங்கள் சிறந்த படங்களாக அமைந்துவிட்டால் அதற்கான வரவேற்பும் கதாநாயகர்களின் படங்கள் அளவுக்கு உள்ளது. இந்த வாரம் 11ஆம் தேதி சமந்தா முதன்மை கதாபாத்திரம் நடித்துள்ள யசோதா படம் தமிழ் மற்றும் தெலுங்கில் வெளியாக உள்ளது. அதனைப் போல நவம்பர் 11ஆம் தேதி ஐஸ்வர்யா ராஜேஷ் முதன்மை கதாபாத்திரத்தில் நடித்துள்ள ‘டிரைவர் ஜமுனா’ படமும் வெளியாக உள்ளது.
இந்த இரண்டு படங்களிலும் கதாநாயகிகளின் போராட்டம் தான் படத்தின் மையக்கருவாக உள்ளது. இதனையடுத்து ‘யசோதா’ படத்தில் சமந்தா வாடகை தாய் கதாபாத்திரத்தில் நடித்துள்ளதாக கூறப்படுகிறது. அதனை போல டிரைவர் ஜமுனா கதாபாத்திரம் ஐஸ்வர்யா பெண் டாக்சி டிரைவராக நடித்து இருக்கிறார். இவர்கள் தங்களது வாழ்க்கையில் சந்திக்கும் போராட்டங்கள் தான் இந்த படங்களின் கதை. பெண்களை முன்னிலைப்படுத்தும் இரண்டு படங்கள் ஒரே நாளில் வெளியாவது ரசிகர்கள் மத்தியில் ஆச்சரியமாக உள்ளது.