தமிழ் சினிமாவில் பிரபல நடிகராக வலம் வருபவர் சசிகுமார். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. நாடோடிகள், போராளி, நிமிர்ந்து நில் போன்ற படங்களின் உதவி இயக்குனர் ஸ்ரீ வித்தகன் இயக்கத்தில் தற்போது உருவாகியுள்ள ஆல்பம் ”ரகட் பாய் காதல்”.
இதில் நடிகை ஸ்மிருதி வெங்கட் ஹீரோயினாக நடித்துள்ளார். மூவி மெக்கானிக் நிறுவனம் தயாரித்துள்ள இந்த ஆல்பத்தில் ஹீரோவாக அஜய் கிருஷ்ணா நடித்து தயாரித்துள்ளார். பிரியங்கா பாடியுள்ள இந்த ஆல்பத்திற்கு டி. எம். உதயகுமார் இசையமைத்துள்ளார்.
அருண்குமார் ஒளிப்பதிவு செய்துள்ள இந்த ஆல்பத்தை பிரபல நடிகரான சசிகுமார் மற்றும் பிரபல நடிகை ஐஸ்வர்யா ராஜேஷ் தங்களது சமூக வலைதள பக்கத்தில் வெளியிட்டுள்ளனர். இந்த ஆல்பம் தற்போது ரசிகர்கள் மத்தியில் ட்ரெண்டாகி வருகிறது.