யாஷ் ராஜ் பிலிம்ஸ் நிறுவனம் தயாரிப்பில் கடந்த 2012 ஆம் ஆண்டு ‘ஏக் தாத் டைகர்’ என்ற படம் அதிக வரவேற்பு பெற்றது. அதன் பிறகு 2017 ஆம் ஆண்டு ‘டைகர் ஜிந்தா ஹை’ படம் வெளியாகி சூப்பர் ஹிட் ஆனது. இந்நிலையில் இந்த படத்தின் அடுத்த பாகம் ‘டைகர் 3’ என்ற பெயரில் தற்போது ஹிந்தி, தமிழ், தெலுங்கு ஆகிய மூன்று மொழிகளில் உருவாகி வருகிறது.
அதே நிறுவனம் தயாரிக்கும் டைகர் 3 படத்தில் சல்மான் கான், கத்ரினா கைப் நடித்து வருகின்றனர். இந்த படத்தை மனீஷ் வர்மா இயக்குகிறார். இதன் படப்பிடிப்பு விறுவிறுப்பாக நடைபெற்று வருகிறது. சமீபத்தில் அடுத்த ஆண்டு ஏப்ரல் 21ஆம் தேதி படம் வெளியிடப்படும் என அறிவிக்கப்பட்டது. இந்நிலையில் தற்போது இந்த படம் அடுத்த ஆண்டு தீபாவளிக்கு ரிலீஸ் ஆகும் என்று அதிகாரப்பூர்வமாக அறிவிக்கப்பட்டுள்ளது.