நடிகர் சூர்யா மற்றும் ஜோதிகாவை போலவே ஆர்யா மற்றும் சாயிஷா திரைப்படம் எடுக்க முடிவு செய்துள்ளனர்.
தமிழ் சினிமாவில் சிறியவர்கள் முதல் பெரியவர்கள் வரை அனைவருக்கும் பிடித்த நடிகராக இருப்பவர் சூர்யா. இவர் கடந்த 2006ஆம் ஆண்டு நடிகை ஜோதிகாவை காதலித்து திருமணம் செய்து கொண்டார். அதன்பின் ஜோதிகா படத்தில் நடிக்காமல் இருந்தார். பின்பு 36 வயதினிலே படம் மூலம் திரைத்துறைக்கு re-entry கொடுத்தார்.
இதை தொடர்ந்து அவர் கதாநாயகிக்கு முக்கியத்துவம் வாய்ந்த படங்களை தேர்ந்தெடுத்து நடித்து வருகிறார். இதனை சூர்யா தயாரித்து வருகிறார். இந்நிலையில் சூர்யா ஜோதிகாவை போலவே நடிகர் ஆர்யாவும் அவரது மனைவி சாயிஷாவும் திரைப்படம் எடுக்க உள்ளனர்.
நடிகை சாயிஷா ஜோதிகாவை போன்று கதாநாயகிக்கு முக்கியத்துவம் வாய்ந்த திரைப்படத்தில் நடிக்க ஆசை பட்டுள்ளார். இதனால் ஆர்யா தனது மனைவிக்காக தானே ஒரு படத்தை தயாரிக்க முடிவு செய்துள்ளார். இதற்காக பல இளம் இயக்குனர்களிடம் கதைகளை கேட்டு வருகிறார்.