தமிழ் சினிமாவில் பிரபலமான இயக்குனர்களில் ஒருவராக இருக்கும் கார்த்திக் சுப்புராஜ் இயக்கத்தில் கடந்த 2014-ம் ஆண்டு ஜிகர்தண்டா திரைப்படம் ரிலீஸ் ஆகி நல்ல வரவேற்பை பெற்றது. இந்த படத்தின் வெற்றியை தொடர்ந்து இயக்குனர் கார்த்திக் சுப்புராஜ் ஜிகர்தண்டா 2 படத்தை இயக்கப் போவதாக அறிவித்தார். இந்தப் படத்தில் நடிகர் ராகவா லாரன்ஸ் ஹீரோவாக நடிக்க, எஸ்.ஜே சூர்யா வில்லனாக நடிக்கிறார்.
இந்த படத்திற்கு சந்தோஷ் நாராயணன் இசையமைக்க, கார்த்திக் சுப்புராஜின் ஸ்டோன் பெஞ்ச் நிறுவனம் மற்றும் பைவ் ஸ்டார் கதிரேசன் ஆகியோர் இணைந்து தயாரிக்கிறார்கள். இந்த படத்தின் சூட்டிங் இன்று தொடங்கியுள்ள நிலையில், படக்குழு டீசரை இன்று வெளியிட்டுள்ளார்கள். மேலும் இந்த டீசர் வீடியோவானது தற்போது ரசிகர்களை கவர்ந்து வைரலாகி வருகிறது.