திருமணம் செய்ய போகும் நன்பருக்கு கொரோனா தொற்று பேனர் வைத்து அஜித் ரசிகர்கள் கொண்டாடிய நிகழ்வு அனைவரையும் வியப்படைய வைத்துள்ளது.
கடந்த மார்ச் மாதம் முதல் கொரோனா வைரஸ் பாதிப்பு உலக மக்களை அச்சுறுத்தி வருகிறது. இதனால் ராமநாதபுரம் மாவட்டத்தில் அஜித் ரசிகர்கள் கொரோனாவை வைத்து அவரது நண்பர்கள் கல்யாண வாழ்த்து பேனர் ஒன்றை வைத்திருக்கிறார்கள்.அந்த திருமண பேனரில், மணமகன், மணமகள் என்று போடுவதற்கு பதிலாக தொற்றானவர்’, ‘தொற்றி கொண்டவர்’ என்று குறிப்பிட்டுள்ளனர். அதில் திருமண நாள் தொற்று உறுதி செய்த நாள் என்றும், கல்யாணம் நடைபெறும் இடத்தை ‘தொற்று பரவிய இடம்’ என்றும் விளக்கியுள்ளனர்.
மேலும் வாழ்த்து பகுதியில், ‘நண்பா நீ போராட வேண்டியது கொரோனாவுடன் அல்ல மனைவியுடன்’ என்றும் சொல்லப்பட்டுள்ளது. அதோடு நண்பர்களின் பெயர்களுக்கு முன்பு சானிடைசர், விலகி இரு, இருமல், தும்மல், காய்ச்சல், மூச்சுத்திணறல், விழித்திரு, பாசிடிவ், முகக்கவசம், கோவிட், சுடுநீர் என்றும் கொரோனாவுடன் தொடர்புடைய அடைமொழியோடு அவர்களது பெயர் அச்சிடப்பட்டுள்ளது. இந்த திருமண பேனர் தற்போது சமூக வலைத்தளத்தில் அதிகமாக பகிரப்பட்டுி வருகிறது.