சிட்ரஸ் பழங்களின் மருத்துவ குணம் குறித்து இந்த செய்தித் தொகுப்பில் காணலாம்
சளி ஃப்ளு கொரோனா உள்ளிட்ட வியாதிகளில் இருந்து உங்களை நீங்கள் பாதுகாத்துக்கொள்ள வேண்டும் என்றால், மருத்துவர்கள் பரிந்துரைக்கும் சில காய்கறிகள் உணவு பொருள்களை அன்றாட வாழ்வில் நாம் சேர்த்துக்கொள்ள வேண்டும். இவையாவும் உங்களை நோயிலிருந்து முற்றிலும் குணப்படுத்தும் என்று யாரும் கூறவில்லை. ஆனால் உடலிலுள்ள நோய் எதிர்ப்பு சக்தியை அதிகரித்து நோயுடன் போராடி குணமாக்குவதற்கு ஓரளவு பங்கினை அது செலுத்தும். அந்த வகையில்,
சிட்ரஸ் பழங்களை நாம் எடுத்துக்கொள்ளலாம். சிட்ரஸ் பழங்கள் என்பது எலுமிச்சை, ஆரஞ்சு, சாத்துக்குடி, கமலா ஆரஞ்சு உள்ளிட்டவை தான். அனைத்து சிட்ரஸ் பழங்களிலும் வைட்டமின் சி, சத்து நிறைந்து காணப்படுகிறது. ரத்த வெள்ளை அணுக்கள் உற்பத்தியை அதிகரித்து நோய் எதிர்ப்பை வலுப்படுத்துவதில் சிட்ரஸ் பழங்கள் முக்கிய பங்கு வகிக்கின்றன.