பிரதமர் மோடியை சர்வாதிகாரி ஹிட்லருடன் ஒப்பிட்டு போஸ்டர் ஓட்டியதால் அப்பகுதியில் பெரும் பரபரப்பு ஏற்பட்டுள்ளது.
மதுரை மாவட்டத்தில் சர்வாதிகாரியான ஹிட்லர் படத்துடன் பிரதமர் மோடி படத்தை ஒப்பிட்டு மே 17 இயக்கத்தைச் சேர்ந்தவர்கள் வால் போஸ்டர்களை ஆங்காங்கே ஒட்டியுள்ளனர். தேசிய மக்கள் கணக்கெடுப்பு பதிவேட்டை நடத்த எதிர்ப்பு தெரிவித்து இந்த போஸ்டர் ஒட்டப்பட்டு உள்ளதாக தகவல்கள் வெளியாகி உள்ளது.
குறிப்பாக மேலூரில் ஒட்டப்பட்டுள்ள இந்த போஸ்டர் மற்ற பகுதிகளை காட்டிலும் அந்தப் பகுதிகளில் பெரும் பதற்றத்தையும் பரபரப்பையும் ஏற்படுத்தியுள்ளது. இதனால் அப்பகுதியில் பாஜக நிர்வாகிகளுக்கும் மே 17 இயக்கத்தைச் சார்ந்த நிர்வாகிகளுக்கும் இடையே மோதல் ஏற்பட வாய்ப்புள்ளது.