வம்சி இயக்கத்தில் தளபதி விஜய் நடிக்கும் “வாரிசு” படம் தமிழ், தெலுங்கு ஆகிய மொழிகளில் நேரடியாக வெளியாக இருக்கிறது. இந்த படத்தில் விஜய்க்கு ஜோடியாக நடிகை ராஷ்மிகா மந்தனா நடிக்கிறார். அத்துடன் பிரகாஷ்ராஜ், சரத்குமார், குஷ்பூ, ஷாம், யோகிபாபு உட்பட பலர் முக்கியமான கதாபாத்திரத்தில் நடிக்கின்றனர். இத்திரைப்படத்தின் படப்பிடிப்பு மும்முரமாக நடந்து வருகிறது. இப்படம் வருகிற பொங்கல் தினத்தன்று வெளியாக இருப்பதாக படக்குழு அறிவித்து உள்ளது.
இந்த படத்தின் ரஞ்சிதமே, தீ தளபதி, சோல் ஆஃப் வாரிசு ஆகிய பாடல்கள் அண்மையில் வெளியாகி ரசிகர்கள் மத்தியில் நல்ல வரவேற்பை பெற்று பெரிய ஹிட் அடித்தது. இந்த நிலையில் ரசிகர்களுக்கு கிறிஸ்துமஸ் ட்ரீட் கொடுக்கும் அடிப்படையில் புது அறிவிப்பு வெளியாகி உள்ளது. அதாவது வாரிசு படத்தின் இசை வெளியீட்டு விழா வரும் டிசம்பர் 24ம் தேதி மாலை 4 மணிக்கு நடைபெறும் என படக்குழு வீடியோ ஒன்றை வெளியிட்டு அறிவித்து இருக்கிறது. இதனால் விஜய் ரசிகர்கள் மகிழ்ச்சியில் இருக்கின்றனர்.
The stage is set for the BOSS to arrive 🔥#VarisuAudioLaunch is on Dec 24th from 4 PM onwards ❤️#Thalapathy @actorvijay sir @directorvamshi @iamRashmika @MusicThaman @7screenstudio @TSeries #BhushanKumar #KrishanKumar #ShivChanana#Varisu #VarisuPongal pic.twitter.com/FvGYchia9c
— Sri Venkateswara Creations (@SVC_official) December 21, 2022