இந்திய சினிமாவில் டாப் நடிகர்களாக இருப்பவர்கள் எப்போதும் பல கோடி ரூபாய் வரை சம்பளம் வாங்குவார்கள் என்பது பலருக்கும் தெரிந்த விஷயம் தான். இந்நிலையில் பல டாப் நடிகர்களின் சம்பள விவரம் குறித்த தகவல் வெளியாகியுள்ளது. அதன்படி இந்திய அளவில் அதிக சம்பளம் வாங்கும் நடிகர்களின் லிஸ்டில் முதலிடத்தில் பாகுபலி ஹீரோ பிரபாஸ் தான் இருக்கிறார். இவர் ஒரு படத்திற்கு சுமார் 150 கோடி ரூபாய் வரை சம்பளம் பெறுகிறாராம். இதற்கு அடுத்த இடத்தில் உலகநாயகன் கமல்ஹாசன் இருக்கிறார். இவர் ஒரு படத்திற்கு சுமார் 130 கோடி ரூபாய் வரை சம்பளம் பெறுவதாக கூறப்படுகிறது.
இதற்கு அடுத்தபடியாக நடிகர் விஜய் ஒரு படத்திற்கு சுமார் 125 கோடி ரூபாய் வரை சம்பளம் வாங்குகிறாராம். இதேபோன்று பாலிவுட் நடிகர் சல்மான் கான் ஒரு படத்திற்கு 125 கோடி ரூபாய் வரை சம்பளம் வாங்குகிறார். அதன் பிறகு நடிகர் அக்ஷய் குமார் ஒரு படத்திற்கு 125 கோடி முதல் 130 கோடி ரூபாய் வரை சம்பளமாக வாங்குகிறாராம். நடிகர் ரஜினிகாந்த் சுமார் 110 கோடி ரூபாய் வரை ஒரு படத்திற்கு சம்பளமாக வாங்குகிறாராம். இதைத் தொடர்ந்து நடிகர் அஜித் ஒரு படத்திற்கு 105 கோடியும், நடிகர்கள் ராம் சரண் மற்றும் அல்லு அர்ஜுன் ஆகியோர் ஒரு படத்திற்கு 100 கோடியும் சம்பளமாக வாங்குகிறார்களாம். மேலும் நடிகர் ஷாருக்கான் ஒரு படத்திற்கு 100 கோடி ரூபாய் வரை சம்பளம் வாங்குகிறார் என்று கூறப்படுகிறது.