நடிகை ஐஸ்வர்யா ராஜேஷ் தமிழ் திரையுலகில் தனது அசத்தலான நடிப்பின் மூலம் ரசிகர்களை கவர்ந்து வருகிறார். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இதனையடுத்து, மலையாள சினிமாவில் நிமிஷா விஜயன் நடிப்பில் ரிலீசான திரைப்படம் ”தி கிரேட் இந்தியன் கிச்சன்”.
ஜியோ பேபி இயக்கிய இந்த திரைப்படம் சூப்பர் ஹிட் அடித்தது. இந்நிலையில், இந்த படத்தின் தமிழ் ரீமேக் தற்போது அதே தலைப்பில் இயக்குனர் ஆர். கண்ணன் இயக்கியுள்ளார். ஐஸ்வர்யா ராஜேஷ் இந்த படத்தில் முக்கிய கதாபாத்திரத்தில் நடிக்கிறார்.
அவரது கணவராக பாடகி சின்மயின் கணவர் ராகுல் ரவீந்திரன் நடிக்கிறார். இந்நிலையில், இந்த படத்தின் ரிலீஸ் தேதி அறிவிக்கப்பட்டுள்ளது. அதன்படி, இந்த திரைப்படம் வரும் டிசம்பர் 29ஆம் தேதி ரிலீசாக இருப்பதாக அறிவிக்கப்பட்டுள்ளது.