தெலுங்கு சினிமாவில் முன்னணி நடிகராக வலம் வருபவர் ராம்சரண். இவர் நடிப்பில் அண்மையில் வெளியான ஆர்ஆர்ஆர் திரைப்படம் ரசிகர்கள் மத்தியில் நல்ல வரவேற்பை பெற்றதோடு, தற்போது கோல்டன் குளோப் விருதிலும் நாமினேட் ஆகியுள்ளது. இந்நிலையில் நடிகர் ராம்சரனின் மனைவி உபசானா தற்போது கர்ப்பமாக இருக்கிறார். இந்த தகவலை நடிகரும், ராம்சரனின் தந்தையுமான சிரஞ்சீவி டுவிட்டர் பக்கத்தில் மகிழ்ச்சியோடு தெரிவித்து இருந்தார்.
நடிகர் ராம்சரணின் மனைவி கர்ப்பமாக இருப்பதாக தகவல் வெளியான நிலையில் பலரும் உபசனாவின் வயதை கூகுளில் தேட ஆரம்பித்துள்ளனர். மெகா குடும்பத்து மருமகளாக இருக்கும் உபசானவுக்கு தற்போது 33 வயது ஆகும் நிலையில், நடிகர் ராம் சரணுக்கு 37 வயது ஆகிறது. மேலும் கடந்த 2012-ம் ஆண்டு நடிகர் ராம்சரண் மற்றும் உபசானவுக்கு திருமணம் நடைபெற்ற நிலையில், கிட்டத்தட்ட 10 வருடங்களுக்குப் பிறகு உபசானா தற்போது கர்ப்பமாக இருக்கிறார். இந்த மெகா குடும்பத்தின் தம்பதிகளுக்கு திரை உலக பிரபலங்கள் மற்றும் ரசிகர்கள் பலரும் வாழ்த்துக்களை தெரிவித்து வருகிறார்கள்.