தமிழ் சினிமாவில் பிரபலமான நடிகராக வலம் வரும் தனுஷ் தற்போது கேப்டன் மில்லன் என்ற திரைப்படத்தில் நடித்து வருகிறார். இந்த படத்தை அருண் மாதேஸ்வரன் இயக்க பிரியங்கா அருள் மோகன் ஹீரோயினாக நடிக்கிறார். இப்படத்தில் நெகட்டிவ் ரோலில் பிரபல கன்னட நடிகர் சிவராஜ்குமார் நடிக்கிறார். இந்த படத்தை தொடர்ந்து நடிகர் தனுஷ் பிரபல தெலுங்கு இயக்குனர் சேகர் கம்முலா இயக்கத்தில் ஒரு புதிய படத்தில் நடிக்க ஒப்பந்தமாகியுள்ளார்.
இந்த படத்தில் கேஜிஎஃப் படத்தில் வில்லனாக நடித்து அசத்திய பாலிவுட் நடிகர் சஞ்சய் தத் வில்லனாக நடிக்க இருப்பதாக தகவல் வெளியாகியுள்ளது. இந்த படத்தில் நடிப்பதற்கு நடிகர் சஞ்சய் தத்துக்கு 10 கோடி ரூபாய் வரை சம்பளம் பேசப்பட்டதாக கூறப்படுகிறது. மேலும் லோகேஷ் கனகராஜ் இயக்கும் தளபதி 67 திரைப்படத்திலும் சஞ்சய் தத் முக்கிய வில்லன் வேடத்தில் நடிக்கிறார் என்பது குறிப்பிடத்தக்கதாகும்.