தமிழக சட்டப்பேரவையில் ஸ்டாலின் எழுப்பிய NPR குறித்த கேள்விக்கு அமைச்சர் உதயகுமார் பதிலளித்துள்ளார்.
தமிழக சட்டசபையில் நடைபெற்ற இன்றைய விவாதத்தில் எதிர்க்கட்சி தலைவர் முக.ஸ்டாலின் தேசிய குடிமக்கள் மக்கள் தொகை பதிவேடுக்கு எதிராக தமிழக சட்டசபையில் தீர்மானம் நிறைவேற்றப்பட வேண்டும் என்ற கோரிக்கை விடுத்தார்.NPR-இல் இருக்கக்கூடிய புதிய கேள்விகள் தொடர்பாக தமிழக அரசு ஒரு கடிதத்தை மத்திய அரசுக்கு அனுப்பியது , அதற்கான பதில் வந்துவிட்டதா ? என்றும் ஸ்டாலின் கேள்வி எழுப்பினார்.NPR குறித்த மக்களின் சந்தேகங்களுக்கு தமிழக அரசு பதில் அளிக்க வேண்டும் என்றும் அவர் சட்டப்பேரவையில் வலிறுத்தினார்.
இதற்க்கு பதிலளித்த வருவாய்த்துறை அமைச்சர் உதயகுமார் கூறுகையில் , NPR-யில் உள்ள புதிய கேள்விகள் தொடர்பாக மத்திய அரசுக்கு முதல்வர் எழுதிய கடிதத்திற்கு மத்திய அரசிடமிருந்து பதில் வரவில்லை. சிறுபான்மையினரை 30 ஆண்டுகள் பாதுகாத்து வந்த அதிமுக அரசு தொடர்ந்து பாதுகாக்கும் என்ற நம்பிக்கையை முதலமைச்சர் வழங்கியுள்ளார். 2003இல் மத்தியில் அங்கம் வகித்த திமுக தான் NPR சட்டம் கொண்டு வர காரணமாக இருந்தது. குடியுரிமை திருத்த சட்டம் காங்கிரஸ் கூட்டணி அரசில் திமுக அங்கம் வகித்த போது கொண்டுவரப்பட்டது என்று பதிலளித்துள்ளார்.