புரூஸ் லீ-யின் வாழ்க்கை வரலாறு திரைப்படம் மீதான எதிர்பார்ப்பு அதிகரித்துள்ளது.
குங்பூ கலையில் ஜாம்பவானாக திகழ்ந்த புரூஸ் லீ-யின் வாழ்க்கையை மையமாக வைத்து திரைப்படங்களும் ஆவணப் படங்களும் ஏற்கனவே வெளியாகியுள்ளது. இந்த நிலையில் தற்போது அவரின் வாழ்க்கையை வைத்து மற்றொரு திரைப்படம் உருவாக இருக்கின்றது. இத்திரைப்படத்தை ஹாலிவுட் இயக்குனர் ஆங் லீ இயக்க இருக்கின்றார்.
இவர் இயக்கத்தில் வெளியான பல திரைப்படங்கள் விருதுகள் பெற்றிருக்கின்றது. இந்நிலையில் இவர் புரூஸ்லீயின் வாழ்க்கை கதையை இயக்குவதால் படத்தின் மீதான எதிர்பார்ப்பை அதிகரித்துள்ளது. இத்திரைப்படத்தில் புரூஸ் லீ கதாபாத்திரத்தில் மேசன் நடிக்கின்றார். இத்திரைப்படத்தில் அவரின் வீரம், சாகசங்கள், அவருக்கு எதிரான சதித்திட்டம் ஆகியவை இடம்பெற இருக்கின்றது.