டிரைக்டர் செல்லா அய்யாவு இயக்கத்தில் நடிகர் விஷ்ணு விஷால் நடித்திருக்கும் படம் “கட்டா குஸ்தி”. இப்படத்தில் நடிகை ஐஸ்வர்யா லட்சுமி நாயகியாக நடிக்கிறார். இத்திரைப்படம் தமிழ், தெலுங்கு ஆகிய 2 மொழிகளில் வெளியாகியுள்ளது. இந்த படத்துக்கு ஜஸ்டின் பிரபாகரன் இசை அமைக்கிறார். இந்த படத்தின் 3 பாடல்களும் அண்மையில் வெளியாகி வைரலாகியது.
இத்திரைப்படம் இன்று திரையரங்குகளில் வெளியாகியுள்ளது. அதன்பின் “கட்டா குஸ்தி” படக்குழு பேட்டி அளித்தபோது படம் குறித்து பல்வேறு விஷயங்களை பகிர்ந்துள்ளனர். அப்போது ஐஸ்வர்யா லட்சுமி பேசியிருப்பதாவது “இப்படத்தின் கதையானது எனக்கு மிகவும் பிடித்து இருந்தது. 3 ஆண்டுகளுக்கு முன் இந்த கதை கூறும்போது இக்கதாபாத்திரத்தில் நடிக்க முடியுமா என்ற பயம் இருந்தது. இதனால் முடியாது என கூறிவிட்டேன்.
தற்போது 3 ஆண்டுகளுக்கு பிறகு மீண்டும் இந்த கதை வந்தபோது இதை கண்டிப்பாக பண்ண முடியாது என நினைத்ததிலிருந்து முயற்சி செய்து பார்க்கலாம் என தோன்றியது. அத்துடன் கதாபாத்திரத்தை விட கதை மிகவும் நன்றாக இருந்தது. இதன் காரணமாக இந்த கதையை ஒப்புக்கொண்டேன்” என்று பல்வேறு விஷயங்களை பகிர்ந்துகொண்டார்.