தமிழ் சினிமாவில் முன்னணி காமெடி கதாநாயகனாக வலம் வருபவர் வடிவேலு. இவர் தற்போது நாய் சேகர் ரிட்டன்ஸ் என்ற திரைப்படத்தில் ஹீரோவாக நடித்து வருகிறார். இப்படத்தை சுராஜ் இயக்க, லைகா நிறுவனம் தயாரிக்கிறது. இப்படத்தில் ஷிவானி நாராயணன் முக்கிய வேடத்தில் நடிக்க, சந்தோஷ் நாராயணன் இசையமைத்துள்ளார்.
இந்த படம் டிசம்பர் 9-ம் தேதி திரையரங்குகளில் ரிலீஸ் ஆகும் என்று அறிவிக்கப்பட்டுள்ள நிலையில், சமீபத்தில் வடிவேலு குரலில் வெளியான அப்பத்தா பாடலின் ஃபர்ஸ்ட் சிங்கிள் ரசிகர்கள் மத்தியில் அமோக வரவேற்பை பெற்றுள்ளது.
இந்நிலையில் நாய் சேகர் ரிட்டன்ஸ் திரைப்படத்தின் ஓடிடி உரிமம் மற்றும் தொலைக்காட்சி உரிமம் குறித்த தகவல் வெளியாகியுள்ளது. அதன்படி நெட்பிளிக்ஸ் நிறுவனம் ஒடிடி உரிமையையும், சன் டிவி தொலைக்காட்சி உரிமையையும் கைப்பற்றியுள்ளது. மேலும் இந்த தகவலை அதிகாரபூர்வமாக போஸ்டருடன் வெளியிட்டுள்ளனர்.