சென்ற 2018ம் வருடம் வெளியாகிய “இரவுக்கு ஆயிரம் கண்கள்” திரைப்படத்தின் டிரைக்டர் மு.மாறன் இயக்கத்தில் உருவாகி இருக்கும் படம் “கண்ணை நம்பாதே”. சஸ்பென்ஸ் கலந்த கிரைம் திரில்லர் பாணியில் உருவாகியுள்ள இந்த படத்தில் உதயநிதி ஸ்டாலின் நாயகனாக நடித்து இருக்கிறார். இவருக்கு ஜோடியாக ஆத்மிகா நடித்து உள்ளார். அத்துடன் சதீஷ், பூமிகா, மஹிமா நம்பியார், வித்யா பிரதீப், அஜ்மல் போன்றோர் முக்கியமான கதாபாத்திரத்தில் நடித்து உள்ளனர்.
வி.என்.ரஞ்சித்குமார் தயாரிக்கும் இப்படத்திற்கு சாம் சி.எஸ் இசையமைக்கிறார். இந்நிலையில் “கண்ணை நம்பாதே” படத்தின் புது போஸ்டர் வெளியாகி இருக்கிறது. இவற்றில் “ஒவ்வொரு குற்றத்துக்கு பின்னாலும் ஒரு எமோஷனல் கதை இருக்கும்” என்று குறிப்பிடப்பட்டுள்ளது. இத்திரைப்படம் 2023ம் வருடம் பிப்ரவரி மாதம் வெளியாக இருக்கிறது.
