உலகம் முழுவதுமே பில்லியன் கணக்கான மக்கள் வாட்ஸ் அப்பை பயன்படுத்தி வருகிறார்கள். மேலும் பயனர்களுடைய வசதிக்காக whatsapp பல்வேறு சேவைகளையும், அப்டேட்டுகளையும் வழங்கி வருகிறது. கல்வி, தொழில், பண பரிமாற்றும் முதலான அனைத்து தேவைகளுக்கும் whatsapp பயன்படுத்தப்பட்டு வருகிறது.
இந்த நிலையில் இதுவரை வாட்ஸ்அப் ஸ்டேட்டஸில் புகைப்படங்கள், வீடியோக்கள் மற்றும் எழுதியவை மட்டுமே பகிர முடியும். ஆனால், இனி 30 வினாடி குரல் பதிவை ஸ்டேட்டஸாக பகிரும் அம்சத்தை வாட்ஸ்அப் பரிசீலித்து வருவதாக WABetaInfo தெரிவித்துள்ளது. தற்போது இந்த அம்சம் ios beta-வில் சோதனை செய்யப்பட்டு வருகிறது. மேலும், இதற்காக ஸ்டேட்டஸ் பக்கத்தில் கூடுதலாக மைக்ரோஃபோன் ஐகானும் தோன்றும் என்று தெரிவிக்கப்பட்டுள்ளது.