தமிழ் சினிமாவில் பிரபல முன்னணி நட்சத்திரமாக வலம் வருபவர் கமல்ஹாசன். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. சமீபத்தில் லோகேஷ் கனகராஜ் இயக்கத்தில் இவர் நடிப்பில் ரிலீசான விக்ரம் திரைப்படம் மாபெரும் வெற்றி அடைந்தது.
இதனையடுத்து, தற்போது இவர் இயக்குனர் சங்கர் இயக்கத்தில் இந்தியன் 2 படத்தில் நடித்து வருகிறார். பாலிவுட்டின் சீனியர் நடிகரான குல்ஷன் குரோவர் எண்ணற்ற ஹிந்தி படங்களில் நடித்துள்ளார். தற்போது இந்தியன் 2 படத்தின் மூலம் தமிழில் முதல் முதலாக நடிக்க வந்துள்ளார்.
இந்நிலையில், இவர் ”தொலைநோக்கு பார்வை கொண்ட இயக்குனர் சங்கர் இயக்கத்தில் கிரேட் கமல்ஹாசனுடன் நடிப்பது மிகவும் உற்சாகமாக உள்ளது” என கமல்ஹாசனை புகழ்ந்துள்ளார். மேலும், அவருடன் இருக்கும் புகைப்படத்தையும் பகிர்ந்துள்ளார். இவரின் இந்த பதிவு இணையத்தில் வைரலாகி வருகிறது.