காய்ச்சல் காரணமாக நடிகர் கமலஹாசன் மருத்துவமனையில் அனுமதிக்கப்பட்டுள்ளார்.
நடிகர் கமலஹாசன் பிக் பாஸ் நிகழ்ச்சியின் தொகுப்பாளராகவும், இந்தியன் 2 படப்பிடிப்பு மற்றும் அரசியல் என பல வேலைகளில் பிஸியாக உள்ளார். இந்நிலையில் தற்போது அவருக்கு திடீரென உடல்நலக்குறைவு ஏற்பட்டுள்ளது. அதனால் அவர் தற்போது சென்னையிலுள்ள ஒரு தனியார் மருத்துவமனையில் அட்மிட் ஆகியுள்ளார். கமல் சாரின் உடல்நிலை குறித்து மருத்துவமனை கூறியதாவது, “அவருக்கு லேசான காய்ச்சல், இருமல் மற்றும் cold இருப்பதாக மருத்துவமனை வெளியிட்டுள்ள அறிக்கையில் தெரிவித்துள்ளது. மேலும் ஓரிரு நாளில் டிஸ்சார்ஜ் ஆகிவிடுவார்” என்று மருத்துவமனை தெரிவித்துள்ளது.
இதனை அடுத்து கமல் சார் மருத்துவமனையில் இருப்பதால் இந்த வாரம் பிக் பாஸ் ஷோவை தொகுத்து வழங்க வருவாரா? மாட்டாரா? இல்லையென்றால் யார் தொகுப்பாளராக வருவார் என பல கேள்விகள் ரசிகர்களுக்கிடையே எழுகிறது. இதற்கு முந்தைய சீசன்களில் நடந்தது போல கமல் சாருக்கு பதிலாக நடிகர் சிம்பு அல்லது ரம்யா கிருஷ்ணன் தொகுப்பாளராக வரலாம் என தெரிகிறது. ஆனால் கமல் சார் ஓரிரு நாளில் டிஸ்சார்ஜ் ஆகிவிடுவார் என மருத்துவமனை தெரிவித்துள்ளதால் அவரே பிக் பாஸ் ஷோவை தொகுத்து வழங்குவார் என எதிர்பார்க்கப்படுகிறது என்பது குறிப்பிடத்தக்கது.
