அமேசான் நிறுவனம் 10,000 ஊழியர்களை பணி நீக்கம் செய்ய நடவடிக்கை எடுத்திருக்கும் நிலையில், அதற்கு எதிராக ஊழியர் அமைப்புகள் தொழிலாளர் அமைச்சகத்தை அணுகியுள்ளது. அமேசான் ஊழியர்களின் ஆட்குறைப்பு நடவடிக்கையில் ஈடுபட்ட நிலையில், அதற்கு எதிராக நிறுவனத்துக்கு தொழிலாளர் அமைச்சகம் சம்மன் அனுப்பி இருக்கிறது. ஊழியர் சங்கத்தின் புகாரின் படி அனுப்பப்பட்டுள்ள இந்த நோட்டீசில், நிறுவனம் தன் நிலைப்பாட்டை விளக்குமாறு கேட்டுக்கொள்ளப்பட்டுள்ளது.
அமேசானிலிருந்து ஊழியர்களுக்கு அனுப்பப்பட்ட ஒரு மெயிலில், வருகிற நவம்பர் 30 ஆம் தேதிக்குள் பணிநீக்க செயல்முறையை முடிக்க காலக்கெடு விதிக்கப்பட்டு உள்ளது. இதுகுறித்து தொழிலாளர் அமைச்சகம் அனுப்பிய அறிவிப்பில், அமேசான் அதிகாரி (அ) அங்கீகரிக்கப்பட்ட பிரதிநிதி, பணி நீக்க நடவடிக்கை குறித்த அனைத்து சான்றுகள், ஆவணங்களுடன் தொழிலாளர்துறை அலுவலகத்தில் குறிப்பிட்ட நேரம் மற்றும் நாளில் ஆஜராகவேண்டும் என கூறப்பட்டுள்ளது.