சமந்தாவின் நடிப்பில் வெளியாகி இருக்கும் “யசோதா” திரைப்படத்தின் 10 நாள் வசூல் விபரத்தினை படக்குழு அறிவித்து இருக்கிறது.
ஹரி-ஹரீஷ் இயக்கத்தில் சமந்தா நடித்திருக்கும் படம் யசோதா. 5 மொழிகளில் தயாராகிய இத்திரைப்படத்தில் நடிகை சமந்தாவுடன் வரலட்சுமி சரத்குமார், சம்பத்ராஜ், மதுரிமா உட்பட பல பேர் நடித்து உள்ளனர். யசோதா திரைப்படத்தின் டிரைலர் வெளியாகி நல்ல வரவேற்பை பெற்றது. இந்த படம் நவ..11ம் தேதி திரையரங்குகளில் பான் இந்தியா திரைப்படமாக வெளியாகியது. இந்த படத்துக்கான தணிக்கை சான்றிதழ் யு/ஏ கிடைத்து உள்ளது.
ஹாலிவுட் சண்டை பயிற்சியாளர் உடன் பயிற்சியெடுத்த வீடியோக்களும் வைரலாகியது குறிப்பிடத்தக்கது. தற்போது இப்படம் நல்ல வரவேற்பை பெற்றுள்ளதால் தியேட்டர்களின் எண்ணிக்கை அதிகரிக்கப்பட்டு உள்ளது. உலகம் முழுவதும் யசோதா படம் முதல் நாளில் 6.32 கோடி வசூலித்தது. தற்போது 10 நாட்களில் உலகம் முழுவதும் ரூபாய்.32 கோடிக்கும் அதிகமாக வசூலானதாக படக்குழு அதிகாரபூர்வமாக அறிவித்து உள்ளது.