தமிழ் சினிமாவில் மாநகரம் என்ற திரைப்படத்தின் மூலம் இயக்குனராக அறிமுகமானவர் லோகேஷ் கனகராஜ். இந்த படத்திற்குப் பிறகு லோகேஷ் இயக்கிய கைதி திரைப்படம் சூப்பர் ஹிட் ஆனது. அதன் பிறகு லோகேஷ் இயக்கத்தில் வெளியான மாஸ்டர் மற்றும் விக்ரம் திரைப் படங்களும் ரசிகர்கள் மத்தியில் அமோக வரவேற்பை பெற்றதோடு வசூல் ரீதியாகவும் சாதனை படைத்தது. இயக்குனர் லோகேஷ் அடுத்ததாக விஜயுடன் இணைந்து தளபதி 67 திரைப்படத்தை இயக்க இருக்கிறார். இதுகுறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
இந்நிலையில் கோவை மாநகர காவல் துறை மற்றும் ரோட்டரி டெக்ஸிட்டி இணைந்து ஒரு நிகழ்ச்சியை நடத்தியது. இந்த நிகழ்ச்சியில் லோகேஷ் கலந்து கொண்டு மாணவர்களுடன் உரையாடினார். அப்போது ஒரு மாணவர் கமலை வைத்து படம் பண்ணிட்டீங்க. விஜயை வைத்தும் படம் பண்ணிட்டீங்க. ரஜினியை வைத்து தளபதி மாதிரி ஒரு படத்தை பண்ணுவீங்கன்னு சொன்னீங்க. இதே மாதிரி அஜித்தை இயக்கினால் எந்த மாதிரியான கதையை தேர்ந்தெடுப்பீங்க என்று கேள்வி எழுப்பினார். அதற்கு லோகேஷ் தீனா படம் போன்று எடுப்பேன் என்று கூறினார். மேலும் இயக்குனர் லோகேஷ் கூறியது தற்போது வலைதளத்தில் வைரலாகி வருகிறது.