தமிழ் சினிமாவில் லேடிஸ் சூப்பர் ஸ்டாராக வலம் வருபவர் நயன்தாரா. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் அஸ்வின் சரவணன் இயக்கத்தில் இவர் தற்போது நடித்துள்ள திரைப்படம் ”கனெக்ட்”. இந்த படத்தில் நயன்தாரா முன்னணி கதாபாத்திரத்தில் நடிக்கிறார்.
இந்த படத்தில் சத்யராஜ், அனுபம் கேர் மற்றும் பலர் முக்கிய கதாபாத்திரத்தில் நடிக்கின்றனர். ரவுடி பிக்சர்ஸ் தயாரிக்கும் இந்த படத்திற்கு பிரித்வி சந்திரசேகர் இசையமைத்துள்ளார். இந்த திரைப்படம் திரில்லர் பாணியில் உருவாகியுள்ளது.
இந்நிலையில், நயன்தாராவின் பிறந்தநாளை முன்னிட்டு படக்குழுவினர் இந்த படத்தின் டீசரை வெளியிட்டுள்ளனர். இந்த டீசர் வெளியாகி தற்போது இணையத்தில் ரசிகர்கள் மத்தியில் அதிகம் வைரலாகி வருகிறது.