தென்னிந்திய சினிமாவில் முன்னணி நடிகையாக வலம் வருபவர் தமன்னா. இவர் தமிழ் சினிமாவில் கேடி என்ற திரைப்படத்தின் மூலம் அறிமுகமானார். அதன் பிறகு தனுஷ் நடிப்பில் வெளியான படிக்காதவன் என்ற திரைப்படம் தமன்னாவின் மார்க்கெட்டை ஓஹோ என்று உயர்த்தியது. இந்த படத்திற்கு பிறகு நடிகை தமன்னா, விஜய், சூர்யா, அஜித் என பல முன்னணி நடிகர்களுடன் நடித்து முன்னணி கதாநாயகியாக உயர்ந்தார். அதன் பிறகு தெலுங்கு சினிமாவிலும் முன்னணி நடிகையாக வலம் வந்த தமன்னாவுக்கு சமீப காலமாகவே தமிழ் மற்றும் தெலுங்கில் பட வாய்ப்புகள் அமையவில்லை.
தற்போது ஹிந்தியில் மட்டுமே தமன்னா நடித்து வருகிறார். இந்நிலையில் நடிகை தமன்னாவுக்கு விரைவில் திருமணம் நடைபெற இருப்பதாக ஒரு புதிய தகவல் இணையத்தில் வெளியாகி உள்ளது. அதாவது மும்பையைச் சேர்ந்த பிரபல தொழிலதிபர் ஒருவரை தான் தமன்னா திருமணம் செய்ய இருக்கிறாராம். மேலும் இது தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. இந்த தகவலை கேள்விப்பட்ட ரசிகர்கள் தற்போது தமன்னாவுக்கு வாழ்த்துக்களை தெரிவித்து வருகிறார்கள்.