தமிழ் சினிமாவில் மாநகரம் படத்தை இயக்கியதன் மூலம் அறிமுகமானவர் லோகேஷ் கனகராஜ். தொடர்ந்து இவர் கைதி, மாஸ்டர் படங்களை இயக்கி தனக்கான ஒரு இடத்தை பிடித்துக் கொண்டார். இவர் இயக்கத்தில் கமலஹாசன் நடிப்பில் வெளியான விக்ரம் படம் தமிழ், தெலுங்கு என பல மொழிகளில் ஜீன் 3 ஆம் தேதி வெளியாகி ரூ.400 கோடிக்கு மேல் வசூல் செய்து சாதனை படைத்தது. அதனைத் தொடர்ந்து லோகேஷ் கனகராஜ் தளபதி 67 பட வேலைகளில் ஈடுபட்டு வருகிறார். இப்படத்தின் படப்பிடிப்பு விரைவில் தொடங்கப்பட உள்ளது. இந்தப் படத்தின் அதிகாரப்பூர்வ அறிவிப்பு விரைவில் வெளியாக இருக்கும் நிலையில், நாளுக்கு நாள் படத்தை பற்றிய தகவல் இணையத்தில் வைரலாகி வருகிறது.
அதன் படி தற்போது ஒரு தகவல் வெளியாகி உள்ளது. அதாவது இந்த படத்தில் பிரபல வில்லன் நடிகர் மன்சூர் அலி கான் முக்கியமான ரோலில் நடிப்பது உறுதியாக இருக்கிறதாம். இயக்குனர் லோகேஷ் மன்சூர் அலிகான் தீவிர ரசிகர் என பலமுறை பேட்டிகளில் கூறியுள்ளார். இந்நிலையில் தற்போது தளபதி 67 திரைப்படத்தில் மன்சூர் அலிகான் நடிப்பது கிட்டத்தட்ட உறுதியாகியுள்ளது. இதனையடுத்து லோகேஷ் கனகராஜ் நடிகர் மன்சூர் கானிடம் உடலை செம பிட்டாக வைத்துக் கொள்ளும்படி கேட்டுக் கொண்டுள்ளார். அதன்படி மன்சூர் அலிகான் தளபதி 67 படத்தில் நடிப்பதற்காக தன் உடலை பிட்டாக வைத்துக் கொள்ள தீவிரமாக உடற்பயிற்சி செய்து வருகிறார்.